Taith canser y fron Mam: Stori Fiona
"Mi ges i mi gadw fy Mam - Glynis, diolch i'r GIG, ei thriniaeth canser a'r ymchwil a ddatblygodd ei thriniaeth. Hi yw fy ffrind gorau ac mae'n golygu'r byd i mi."
Helpwch Ymchwil Canser Cymru i drawsnewid bywydau pobl sy'n byw gyda chanser yng Nghymru drwy gofrestru ar gyfer un o'n digwyddiadau codi arian:
Ein Digwyddiadau
Dyna eiriau Fiona Thomas sy'n rheoli siop Ymchwil Canser Cymru yn ardal Rhiwbeina, Caerdydd. Yma mae Fiona yn siarad am gefnogi ei Mam - Glynis, drwy ei diagnosis a'i thriniaeth ar gyfer canser y fron.
Diagnosis
"Yn 2022, ar ôl mamogram arferol, cafodd Mam ei galw nôl am biopsi. Pan oedd hi'n amser cwrdd â'r ymgynghorydd i gael y canlyniadau, roedd gennym deimlad ei fod yn newyddion drwg.
Gofynnodd Mam i mi fynd gyda hi, a wnes i wrth gwrs."Yna daeth y newyddion roedden ni wedi paratoi ein hunain i glywed- canlyniadau'r biopsi oedd bod gan fy Mam ganser y fron."
Llawdriniaeth a theimlo'n ofnus
"Roedden ni'n obeithiol ar hyn o bryd, gan nad oedden ni'n gwybod eto beth oedden ni'n delio ag ef.
Ar ôl mwy o brofion, penderfynwyd y byddai Mam yn cael lwmpectomi i gael gwared ar yr holl nodau lymff yn ei chywarch (clirio node lymff axillary). Aeth y llawdriniaeth yn dda, gwellodd Mam yn gyflym a roedden ni'n aros am y canlyniadau.
"Dyma pryd aeth pethau'n frawychus iawn - fe dorrais i fy nghalon yn llwyr. Roeddwn i i fod yno i gefnogi Mam ond doeddai’m yn methu stopio crio. Roedd ugain o'r un ar hugain o nodau lymff a dynnwyd gan y llawfeddyg yn cynnwys celloedd canseraidd.
Roeddwn i mor ofnus o golli Mam, hi yw fy ffrind gorau ac mae'n golygu'r byd i gyd i mi."
Cemotherapi a sgîl-effeithiau
"Dyma lle dechreuodd y frwydr mewn gwirionedd. Roedd gan Mam 6 rownd o gemotherapi - roedd pob un yn effeithio arni mor wael. Roedd mam angen gofal24/7, felly symudodd i mewn gyda fy ngŵr, ein dau fab a minnau am wythnos ar ôl pob triniaeth cemotherapi.
"Fe wnaethon ni bopeth drosti, o wneud cwpanau cyson o de iddi hi i goginio prydau bwyd a golchi ei gwallt. Mi wnaeth y driniaeth ei tharo hi’n galed iawn.
"Un o'r rhannau anoddaf i Mam oedd colli ei gwallt a roedd o'n anodd i fi hefyd yn ei gweld hi mor wael.
"Aeth Mam ymlaen wedyn i gael 28 sesiwn radiotherapi dyddiol. Mae hi bellach ar atalyddion estrogen dyddiol am y 10 mlynedd nesaf ac mae ganddi trwyth Zometa yn Ysbyty'r Tywysog Charles bob 6 mis i helpu i amddiffyn ei hesgyrn, pob un â rhai sgîl-effeithiau annymunol.”
