Gwisg ffasiwn wedi ei ailgylchu Lou yn cymryd ei le yn ffenestr siop Ymchwil Canser Cymru

Lansiwyd ‘Ffasiwn wedi ei Ailddychmygu’ ym mis Tachwedd 2023 er mwyn hyrwyddo cynaliadwyedd ac anadlu bywyd newydd i ddillad cyn-boblogaidd.

Mae'n seiliedig ar y thema 'Dangos dy Streips', gan fod logo ein elusen wedi'i ysbrydoli gan y geliau dilyniannu DNA stribed a ddefnyddir gan wyddonwyr i ymchwilio i ganser.

Mae'r wisg – a grëwyd gan Lou Wild, myfyriwr o Brifysgol Metropolitan Caerdydd, nawr i’w weld yn ffenest siop Ymchwil Canser Cymru yn 78A Heol Tŷ'n-y-Pwll, yr Eglwys Newydd yng Nghaerdydd.

Dywedodd Lorraine Boyd, Pennaeth Manwerthu Ymchwil Canser Cymru: "Da iawn i Lou ar eich dyluniad gwych yr ydym yn falch iawn o'i gael yn cael ei arddangos yn ffenestr ein siop yn yr Eglwys Newydd.

“Ymchwil Canser Cymru yw’r elusen ymchwil canser Gymreig ac rydym yn hoffi annog a hyrwyddo ffasiwn foesegol a chynaliadwy trwy werthu dillad sydd wedi'u caru ymlaen llaw yn ein siopau.

"Mae cynllun Lou yn ddatganiad pwerus yr ydym yn gobeithio y bydd yn annog ac yn ysbrydoli cenhedlaeth newydd o ddefnyddwyr sy'n ymwybodol o ffasiwn ac ymwybodol i brynu dillad sy'n cael eu caru ymlaen llaw."

Yn ogystal â bod yn enillydd cystadleuaeth ‘Ffasiwn wedi ei Ailddychmygu’, mae Lou Wild wedi cael ei henwi'n Llysgennad Ffasiwn Cynaliadwy Ymchwil Canser Cymru.

"Fel rhan o'n modiwl, roedd gofyn i ni gymryd rhan mewn cystadlaethau, a rhannodd ein tiwtor Nick fanylion y gystadleuaeth ‘Ffasiwn wedi ei Ailddychmygu’ wedi ei seilio ar thema 'Dangos dy Streips' gan Ymchwil Canser Cymru. Cyn gynted ag y gwelais y briff roeddwn i'n gwybod bod yn rhaid i mi gystadlu. Rwyf bellach yn Llysgennad Ffasiwn Cynaliadwy Ymchwil Canser Cymru fel rhan o'm gwobr a mi fydd fy nghynllun buddugol yn ymddangos yn ffenestr siop Ymchwil Canser Cymru. Rwy'n gobeithio y bydd yn ysbrydoli pobl i ailgylchu ac ail-bwrpasu."

Mae'r dadorchuddio yn nodi diwedd cyfnod heriol i Lou, gan fod ei mam a'i phartner - Jim, ill dau yn cael eu trin am ganser tra roedd hi'n astudio ar gyfer ei gradd yn Ysgol Gelf a Dylunio Caerdydd. Diolch byth, mae'r ddau bellach yn holliach.

"Toc ar ôl i mi dderbyn fy lle yn Ysgol Gelf a Dylunio Caerdydd, cafodd fy mhartner Jim ddiagnosis o ganser y prostad. Roedd fy mam yn dal i fod dan ofal oncoleg ar hyn o bryd, ac roedd cael dau o fy hoff bobl yn mynd trwy hyn yn dorcalonnus. Ond gwnaeth Jim i mi addo cymryd fy lle yn y brifysgol. Mae Jim a fy Mam bellach wedi gwella, a dyna'r ffordd orau o allu dathlu fy mod wedi graddio."

Wrth groesawu llwyddiant Louise dywedodd Nick Thomas, Darlithydd Dylunio Ffasiwn ym Mhrifysgol Metropolitan Caerdydd:

"Mae cwricwlm ein cwrs yn ceisio gwreiddio athroniaethau dylunio sy'n canolbwyntio ar yr unigolyn ac edrych ymlaen at y dyfodol, gan ganolbwyntio ar ymgysylltu cymdeithasol a chynaliadwy, felly pan gysylltodd Ymchwil Canser Cymru i drafod cydweithrediadau posibl, fe wnaethon ni neidio ar y cyfle i weithio gydag achos mor wych. 

"O ystyried yr effaith amgylcheddol a chymdeithasol fyd-eang y mae dylunio ffasiwn yn ei chael, credwn mewn helpu myfyrwyr i ddod yn wneuthurwyr newid, ac i herio normau'r diwydiant."

“Rydym wrth ein boddau bod cynllun Lou wedi cael ei gydnabod fel hyn ac y bydd yn cael ei arddangos, nid yn unig yn ysbrydoli'r genhedlaeth nesaf o ddylunwyr ffasiwn Cymreig ond hefyd yn dangos y gall unrhyw beth 'hen' ddod yn rhywbeth 'newydd'. "

"Mae Lou wedi gweithio'n anhygoel o galed drwy gydol ei gradd, gan sefydlu Cymdeithas Ffasiwn Undeb y Myfyrwyr, gan weithio gyda'i chyfoedion i godi arian ar gyfer Wythnos Ffasiwn Graddedigion yn Llundain ac mae wedi taflu ei hun ar bob cyfle i gymryd rhan mewn bywyd prifysgol; Mae hi'n enillydd teilwng!"

Gallwch weld rhagor o gynlluniau Lou yma.