Bydd un o bob dau ohonom ni’n cael canser, felly mae’n debygol bod canser wedi effeithio ar bob un ohonom ni ryw ffordd neu’i gilydd, ac rydym yn gwybod y loes calon y gall diagnosis ei achosi. I newid canser, mae’r ateb mewn ymchwil ac, yma yn Ymchwil Canser Cymru, ymchwil yw popeth – mae yn ein DNA. Trwy godi arian i ni, gallwch greu gobaith i gleifion canser heddiw, a thrawsnewid canlyniadau i gleifion yfory. 

O werthu cacennau i nosweithiau cwis, eillio’ch pen neu gael parti caraoci, does dim taw ar yr hwyl y gallwch ei chael wrth godi arian. Beth bynnag y byddwch chi’n penderfynu ei wneud, rydym ni yma i’ch cefnogi bob cam o’r ffordd!